Над 12.000 студенти во Бугарија поминале платени практики преку проект на МОН финансиран од ЕУ
Над 12.000 студенти во Бугарија ги направиле своите први чекори кон професионална реализација преку платени студентски практики во рамките на проектот „Од високо образование кон вработување“ на бугарското Министерство за образование и наука, финансиран од Европската Унија.
Проектот има цел да ја зајакне врската меѓу високото образование и пазарот на трудот, овозможувајќи им на студентите да стекнат практично искуство во реална работна средина уште за време на студиите.
Во иницијативата досега се вклучиле близу 16.000 студенти и над 2.300 организации, а објавени се 4.188 огласи со вкупно 63.847 позиции.
Проектот предвидува и обуки за претприемништво, иновации, финансиска писменост и зелени технологии, како и пилот-воведување дуално образование во најмалку пет високообразовни институции.
Се очекува над 40.000 студенти да поминат практична обука до крајот на проектот во 2029 година.
