Бугарската одбојкарска федерација со план Софија да биде домаќин и во 2030 година

Претседателот на Бугарската одбојкарска федерација, Љубомир Ганев, изјави дека Софија има амбиција повторно да се кандидира за домаќин на Европското првенство во одбојка за мажи во 2030 година, пренесува БГНЕС.

Ганев ја соопшти иницијативата во период кога бугарската престолнина е еден од домаќините на Европското првенство во 2026 година.

„Му благодарам на градоначалникот Васил Терзиев за партнерството при организацијата на Европското првенство во одбојка за мажи, кое во моментов ја претвора Софија во една од европските престолнини на овој спорт“, изјави Ганев.

Според него, Европското првенство е најголемиот спортски настан во Бугарија оваа година и донело инвестиции во вредност од 20 милиони евра.

„Нашата амбиција е Софија повторно да се кандидира за домаќин во 2030 година“, додаде претседателот на федерацијата.

Бугарската репрезентација веќе обезбеди пласман во осминафиналето на ЕвроВолеј 2026, каде што во сабота од 19:00 часот ќе се сретне со Германија.

На натпреварот против Полска во средата, кој Бугарија го доби со 3:2 во сетови, беше поставен рекорд по посетеност на првенството. Средбата во „Арена 8888“ ја следеа 13.186 гледачи.

Ганев зборуваше откако претставници на националната репрезентација, како и членовите на женската репрезентација до 19 години, беа одликувани со Почесниот знак на Општина Софија.