Бугарскиот министер за внатрешни работи Иван Демерџиев: Кога на саркофагот пишува „Цар на Бугарите“, споровите со Скопје се излишни

Историскиот настан на трети октомври, кога посмртните останки на цар Самоил ќе ѝ бидат предадени од Грција на Бугарија, е нешто без преседан. Ова го изјави со нескриени емоции во Благоевград министерот за внатрешни работи Иван Демерџиев, додавајќи дека се преземени и усогласени со институциите сите безбедносни мерки, јавува БНР.

Тој одговори и на прашање на БНР дали тоа става точка на претензиите на Скопје кон бугарскиот цар:

„Стануваме сведоци на нешто без преседан, нешто што тешко може да се процени – посмртните останки на еден бугарски цар да се вратат кај нас, тој да биде положен во земјата на својот татко. Ова е нешто од исклучително значење, дури ни е тешко да го процениме во моментов. Можеме само во сабота да го пречекаме овој исклучителен бугарски цар.

Ова е повод за празнување и повод за оддавање почит пред посмртните останки на цар Самоил, па затоа ги повикувам граѓаните да дојдат да го пречекаме и да го положиме бугарскиот цар таму каде што му е местото“.

Дали тоа става точка на претензиите на Скопје?

„Мислам дека одговорот се содржи во фактите и во вашето прашање – кога на саркофагот на царот пишува: Цар на Бугарите, мислам дека споровите се излишни“, коментираше министерот за внатрешни работи на Р. Бугарија, Демерџиев.