БРОЈОТ НА ЗАГИНАТИ ОД ЗЕМЈОТРЕСОТ ВО АЛБАНИЈА СЕ ИСКАЧИ НА 40
Спасувачките тимови продолжуваат да трагаат по преживеани под урнатините на објектите во Албанија. Бројката за загинати лица утрово порасна на 40, а се стравува дека таа може да се зголеми со натамошното пребарување на срушените зданија во Тумане, Драч и другите албански градови, јавува Радио – телевизија Србија. Тлото во Албанија не престанува да се тресе. Регистрираните земјотреси и изминатата ноќ ги оставија жителите од погодените региони на улиците.
Тимови координирани од Дирекцијата за заштита и спасување, во согласност со одлуката на Владата на Република Северна Македонија, односно вкупно 42 пожарникари и друг кадар, како и едно куче-трагач интервенираат во Драч заедно со колегите од Албанија и од други земји што испратија помош.
