ПОРАНЕШНИОТ ГЕНЕРАЛЕН ДИРЕКТОР НА АД „ЕЛЕМ“ ДЕЈАН БОШКОВСКИ ОСУДЕН НА 3 ГОДИНИ ЗАТВОР
Поранешниот генерален директор на АД „ЕЛЕМ“ Дејан Бошковски, како и Методиј Стојменовски и Ненад Ѓорѓовски исто така вработени во ЕЛЕМ, се прогласени за виновни, за дел од кривичните дела кој СЈО им ги ставаше на товар, а како обвинети во случајот „Тарифа“ на СЈО. Обвинетите се гонеа за за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра.
Сите тројца се осудени на казна затвор од три години, рече судијката Софче Гаврилова-Ефремова, која додаде дека осудените се должни да ја надоместат и предизвиканата материјална штета.
