Грчките медиуми зборуваат за напредок во преговорите, после средбата Димитров-Коѕијас во Охрид

Грчките медиуми ја коментираат вчерашната средба на Никола Димитров и Никос Коѕијас во Охрид,, нис призма на изјавата на шефот на грчката дипломатија дека се направени чекори напред и дека уште остануваат отворени тешките прашања, но и на делот од изјавата на македонскиот министер за надворешни работи дека е разговарано и за временскиот рок за имплементирање на евентуалниот договор.

„Без големиот чекор од скопската страна завршија разговорите на Коѕијас и Димитров во Охрид, но процесот продолжува со договор за одредени аспекти на името, а остануваат разликите“, објави грчката државна телевизија ЕРТ, а  ТВ Антена анализира дека прашањата поврзани со Уставот и севкупната употреба на сложеното име „остануваат во половината на Скопје“.

„Двајцата министри беа воздржани оптимисти, од моментот кога консултациите преминаа кон јадрото на критичните прашања“, објави ТВ Скај.

Грчките медиуми коментираат дека по средбата во Охрид, двајцата министри ќе ги известат премиерите, а Димитров и Коѕијас веќе ги закажаа нивните следни средби за идниот месец.