Алкараз: Димитров направи да се чувствувам како 13-годишник на теренот

Светскиот рекет број 2, Карлос Алкараз, призна дека се чувствувал како 13-годишник на теренот, откако беше надигран од бугарскиот најдобар тенисер Григор Димитров во четврт-финалето на Мастерсот во Мајами, јавува БГНЕС. Алкараз пристигна на Флорида во врвна форма откако го освои турнирот во Индијан Велс на почетокот од овој месец, но неговите надежи да стане првиот што ќе го комплетира „Сончевиот дабл“ по Роџер Федерер во 2017 година, беа уништени по поразот од Бугаринот со 2-6, 4-6. – негов втор по ред од Григор по Мастерсот во Шангај на крајот на минатата година.

“Тој играше неверојатен тенис, речиси совршен. Не можев да ги најдам вистинските решенија. Не можев да направам да се чувствува непријатно на теренот. Тоа беше одличен натпревар за него. Го напуштив теренот мислејќи дека веројатно требаше да го сменам мојот стил на игра малку порано на натпреварот, но тоа не е важно, мислам дека одиграв добро. Не перфектно, но добро. Сега сум многу разочаран бидејќи ме натера да се чувствувам како 13-годишно момче на теренот Беше лудо. Му кажував на мојот тим дека не знам што да правам. Не ја знам неговата слабост. Не знам ништо“, изјави 20-годишниот Шпанец.

Двократниот грен слем шампион додаде дека веќе го очекува следниот меч со Димитров и дека планира да промени нешто во својата игра во обид да се оттргне од него во директните судири- Алкараз, во моментов води со 3-2 победи со Димитров.

„Веројатно следниот натпревар што ќе го играм против него, а сигурен сум дека ќе има таков, ќе се обидам да направам многу различни работи. Да видиме што ќе се случи“.

Димитров, кој е 12. рангиран во светот, ќе го игра своето четврто полуфинале годинава, кога во 01:00 часот по бугарско време ќе се соочи со четвртиот носител Александар Зверев. Со победа над Германецот, покрај финалето во Мајами, Димитров ќе влезе и во топ 10 на машкиот тенис.