Банско ќе биде домаќин на Bansko Nomad Fest 2026

Од 20 до 30 јуни Банско ќе биде домаќин на Bansko Nomad Fest 2026, едно од најзначајните меѓународни настани за професионалци кои работат на далечина, јавува Пиринско. Фестивалот ќе собере дигитални номади, претприемачи, фриленсери и експерти од различни области од десетици држави.

Официјалното отворање на форумот ќе се одржи во недела во 19:00 часот во Градскиот парк во Банско, со што ќе започнат десет дена исполнети со средби, едукативни содржини, работилници, панел-дискусии, спортски и велнес активности, како и културни и забавни настани.

Bansko Nomad Fest се вбројува меѓу најпрестижните европски настани посветени на дигиталното номадство и новите модели на работа. Со неговото одржување, Банско уште еднаш ја потврдува својата репутација како модерна, отворена и привлечна меѓународна дестинација за професионалци кои работат независно од својата локација.