Благоевград се подготвува за празникот на градот: Најавено присуство на Јотова и В’лчев

Претседателката на Бугарија, Илијана Јотова, и Кирил В’лчев на 3 октомври ќе присуствуваат на свеченостите во Благоевград по повод неколку настани, меѓу кои одбележувањето на 114 години од ослободувањето на Горна Џумаја, отворањето на „Горноџумајската улица на занаетите“ во квартот „Вароша“ и празникот на Благоевград, јавува Пиринско.

Програмата предвидува: Во 17:00 часот – учество во поворката од Судската палата, во 17:30 часот – отворање на „Горноџумајската улица на занаетите“ во квартот „Вароша“, а од 18:00 часот – прослава на празникот на Благоевград во амфитеатарот пред Регионалниот историски музеј.

Паралелно со тоа, „Прогресивна Бугарија“ упати покана за масовна автомобилска поворка под мотото „Благоевградската област го пречекува цар Самуил“.

Од локалната организација на партијата ги повикуваат граѓаните да се приклучат со своите автомобили, при што колоната ќе се движи со развиорени национални тробојки и ќе биде посветена на споменот на бугарскиот владетел цар Самуил.

Иницијативата е поврзана со враќањето на посмртните останки на цар Самуил во Бугарија. „Прогресивна Бугарија“ соопштува дека владата го организира нивниот пречек, а на 3 октомври во Софија се предвидени церемонија и поворка до храмот „Св. Софија“.