БНБ пушта сребрена колекционерска монета за 150 години од Априлското востание
Од 20 април Бугарска народна банка ќе пушти во оптек сребрена колекционерска монета „150 години од Априлското востание“ со номинална вредност од 10 евра, од серијата „Бугарска преродба“, јавува БГНЕС.
Цената при пуштање е 144 евра (281,64 лева), а тиражот изнесува 5.000 примероци. Автор на дизајнот е Светлин Балездров.
На лицето на монетата се прикажани емблемата на БНБ со годината „1879“, Мостот на Првата пушка во Копривштица, годината „2026“ и номиналната вредност „10 ЕВРА“, со натпис „БУГАРСКА НАРОДНА БАНКА“. На реверсот е револуционерното знаме со натпис „СЛОБОДА ИЛИ СМРТЬ“, лав со круна и годината „1876“, како и натпис „150 ГОДИНИ ОД АПРИЛСКОТО ВОСТАНИЕ“.
Монетата ќе се продава на касите на БНБ во Софија, со ограничување од една монета по лице и забрана за продажба на лица под 18 години. До крајот на 20 април 2026 година, ќе биде дистрибуирана и преку неколку банки и „Монетен двор“ ЕАД.
