Месецот мај ќе биде месец на бугарската литература и култура во организација на Бугарскиот културен институт во Лондон

Месецот маj ќе биде месец на бугарската литература и култура во организација на Бугарскиот културен институт во Лондон, јавува БТА. Од БКИ-Лондон упатија покана за „инспиративно патување во светот на бугарските зборови, приказни и уметност“.

Програмата е следна:

на 6 мај од 19:30 часот по локално време во кино-салата галерија „Софија“ на БКИ – ќе се одржи проекција на документарниот филм „Естествен филм“ – портрет на Георги Господинов, инспириран од неговата книга „Естествен роман“;

на 15 мај – од 19:30 часот по локално време во галеријата „Софија“ на БКИ – ќе се одржи средба со писателката и преведувачка Здравка Евтимова. Разговорот ќе го води поетесата Татјана Даскалова;

на 16 мај – од 12:45 до 14:00 часот по локално време во British Library – ќе се одржи претставување на Здравка Евтимова во рамките на European Writers’ Festival 2026;

на 18 мај – од 18:30 часот по локално време во Hatchards, Piccadilly – ќе се одржи дискусија со Рене Карабаш и Изидора Анжел: претставување на романот „Остајница“, номиниран за меѓународната награда „Букер“ 2026;

на 22 мај – од 18:30 часот по локално време во Royal Geographical Society – ќе се одржи концерт-спектакл, посветен на бугарската литература и култура;

на 29 мај – од 19:30 часот по локално време во галеријата „Софија“ на БКИ – ќе биде претставен спектаклот „Сонот на смешниот човек“;

на 30 мај – од 18:30 часот по локално време во галеријата „Софија“ на БКИ – ќе биде претставен моноспектаклот на Павлина Јосева – „За убавото на лошото“.

„Ве очекуваат средби, инспирација и незаборавни доживувања! Дојдете да славиме заедно во срцето на Лондон“, упатија покана од Бугарскиот културен институт.