БНТ со висока оценка од ЕБУ: Почнува подготовката за „Евровизија 2027“

На генералното собрание на Европската унија за радио и телевизија, кое се одржува во Прага, БНТ доби висока оценка за своето претставување на „Евровизија“ и за победата на Бугарија, јави БНТ.

Директорот на натпреварот „Евровизија“, Мартин Грин, изрази задоволство што БНТ многу брзо веќе работи на домаќинството на „Евровизија“ во 2027 година.

„Сакам да му честитам на тимот на БНТ за победата со најголемата разлика при победа досега во историјата на конкурсот „Евровизија“. Исто така, ова е првата песна од 2017 година која категорично го освои гласот и на жирито, и на публиката. Денешниот предизвик до вас е да го воведете зборот „bangaranga“ на вашите средби. Кога првично се сретнавме со БНТ, тие беа многу воодушевени, како и владата во Бугарија, од можноста да го организираат натпреварот. Во моментов се во процес на избор на градот домаќин и во текот на целата година ќе им даваме поддршка“, изјави Мартин Грин, директор на „Евровизија“:

„Честитки, БНТ и Бугарија! Очекуваме да работиме со вас, веќе имавме одлична соработка. Тоа навистина ќе биде нешто посебно. Одекот во Бугарија беше неверојатен. Ги гледав снимките – навистина неверојатно. Беше вистинска радост да се гледаат. Тоа навистина беше нешто големо за Бугарија. Владата веднаш ја изрази својата поддршка, а и ние исто така ќе ве поддржиме“, изјави Ноел Каран, генерален директор на ЕСРТ

„Многу ви благодарам за топлите зборови за победата на Бугарија на „Евровизија“. Мислам дека го дадовме најдоброто од себе и мислам дека ќе го направиме најдоброто како домаќини на следното издание на „Евровизија“ 2027. Ви благодарам за досегашната помош, бидејќи ние работиме рака под рака со Европската унија за радио и телевизија и со „Евровизија“. Верувам дека ќе направиме одличен настан во 2027 година. Ви благодарам многу “, изјави генералната директорка на БНТ Милена Милотинова.