Николај Денков и Марија Габриел ќе се сретнат со бугарската еврокомесарка Илијана Иванова

Бугарскиот премиер академик Николај Денков и вицепремиерката и министерка за надворешни работи на Бугарија Марија Габриел ќе се сретнат со комесарката за иновации, научно истражување, култура, образование и млади Илијана Иванова, извести владината прес-служба. Ова е прва официјална посета на Илијана Иванова на земјава по преземањето на функцијата член на Европската комисија (ЕК) од Бугарија.

По средбата, премиерот, вицепремиерот и еврокомесарот ќе дадат заедничка изјава во 10:00 часот во „Гранитната“ сала во Врадата на Бугарија.

Во програмата на бугарскиот еврокомесар има средби и со претседателот Румен Радев, со претседателот на Народното собрание Росен Желјазков, со министерот за образование и наука Галин Цоков, со министерот за култура Крстјо Крстев, со министерот за иновации и Раст Милена Стојчева, соопшти претставништвото на ЕК во Бугарија. Комесарката Иванова ќе разговара и со претседателот на политичката партија ГЕРБ и претседател на собраниската комисија за надворешна политика Бојко Борисов.

Советот на Европската унија (ЕУ) на 19 септември ја именуваше Илиана Иванова за нов еврокомесар од Бугарија. Нејзиното именување е по заеднички договор со претседателката на ЕК, Урсула фон дер Лајен. Именувањето следува по оставката на Марија Габриел како еврокомесар и е за остатокот од мандатот на ЕК до 31 октомври 2024 година. Иванова беше поддржана од огромно мнозинство во Европскиот парламент (ЕП), откако успешно беше сослушана пред две парламентарни комисии. Пред нејзиното назначување за еврокомесар, Иванова беше бугарски претставник во Европскиот суд на ревизори во Луксембург, а пред тоа – пратеник во Европскиот парламент од редовите на ГЕРБ/ЕНП.

Илијана Иванова во своето прво интервју за БТА во својата нова објава упати високи пофалби за нејзините претходнички Меглена Кунева, Кристалина Георгиева и Марија Габриел. Таа изрази очекување да го продолжи нивниот пат во достојното претставување на Бугарија во ЕК. Според неа, предизвиците пред неа се многу, а еден од нив е потребата ЕУ да ги слуша луѓето и да разговара со нив на разбирлив јазик.