Бугарија и Романија ќе ја зајакнуваат безбедноста и поврзаноста во Црното Море

Бугарија е подготвена да работи со Романија за побезбедно Црно Море, подобро поврзан регион и поотпорна Европа, изјави бугарската министерка за надворешни работи Велислава Петрова во видеообраќање на годишната средба на романската дипломатија во Букурешт, јавува БТА.

„Црното Море стана регион од стратешко значење за безбедноста на нашиот континент. Бугарија и Романија имаат посебна улога“, рече Петрова, посочувајќи ја соработката во морската безбедност, спротивставувањето на хибридните закани и регионалната отпорност.

Таа го истакна Центарот за поморска безбедност во Црното Море како еден од водечките заеднички проекти, за кој, според неа, е потребна силна европска поддршка и одржливо финансирање.

Петрова нагласи дека новите мостови на Дунав, модернизацијата на железницата, подобрите транспортни врски и Вертикалниот гасен коридор се „стратешки инвестиции во безбедноста, конкурентноста и економската отпорност на Европа“.

Според неа, Бугарија и Романија се стратешки партнери и блиски сојузници, чија безбедност, просперитет и европска иднина се тесно поврзани.