Бугарска делегација во САД: Продлабочување на енергетското партнерство и нови проекти со американски инвестиции

Бугарска делегација, предводена од министерот за енергетика Жечо Станков, одржа серија средби со претставници на Државниот департмент и Департментот за енергија на САД. Главна тема на разговорите била продлабочувањето на стратешкото партнерство меѓу двете земји во енергетскиот сектор и проширувањето на заедничките проекти.

На средбите, Станков нагласил дека Бугарија ја зацврстува својата позиција како сигурен и предвидлив партнер во трансатлантската енергетска соработка. „Долгорочната енергетска безбедност бара колективни напори. САД е моќен сојузник на Бугарија за реализација на клучни проекти за регионот и за постигнување вистинска диверзификација на енергетските извори“, изјавил бугарскиот министер пред Томи Џојс, помошник-секретар за меѓународни прашања во Департментот за енергија.

Во разговорите била потенцирана улогата на САД во клучни проекти за Бугарија, како изградбата на 7. и 8. блок на АЕЦ „Козлодуј“ и реализацијата на Вертикалниот гасен коридор. Се разгледувал и потенцијалот за американски инвестиции во стратешки сектори како критичните минерали и високите технологии, кои се од особено значење за енергетската и економската иднина на регионот.