Бугарската компанија „Готмар“ е доставувач број 1 на Балканот за светски познати компании во енергетскиот сектор

Да се ​​биде снабдувач број 1 на Балканот и тоа за водечки светски компании во енергетскиот сектор е факт за бугарската фабрика „Готмар“ од градот Соединение. Ова е еден од најголемите бугарски партнери на германскиот концерн „Либхер“.

Трите фабрики на светскиот гигант Либхер купиле производи од 76 бугарски компании за 85 милиони евра во 2021 година. И трите компании на германската семејна групација се наоѓаат во економската зона Тракија: „Либхер-Хаусгерете Марица“ – за фрижидери и замрзнувачи, „Либхер – Танспортејшн Системс Марица“ -за производство на системи за климатизација за железнички транспорт и на разладувачки модули за камиони-ладилници и „Либхер Конкријт Технолоџи Марица“ – за камиони за бетон.

Во 2021 година, „Либхер Хаусгерете Марица“ известува за над 1 милион произведени фрижидери и замрзнувачи. За нив се искористени повеќе од 7 милиони делови доставени од „Готмар“ ЕООД. Ова е еден од најголемите бугарски партнери на германскиот концерн. Ова е пораката од Здружение Кластер Тракија економска зона.

Πpoизвoдcтвeният acopтиман се состои претежно од пластични делови од внатрешноста на фрижидерот, како и видливите површини. Ова го изјави Кирил Меретев, кој е раководител на проекти во „Готмар“ и е одговорен за заедничката работа на компанијата со Либхер.

Според раководството на фабриката за пластични делови во град Соединение, преку успешната соработка и усвојувањето на добри производствени практики „Готмар“ успева да привлече и создаде долгорочни партнерства со светски познати компании во енергетскиот сектор, правејќи ја компанијата водечки снабдувач на Балканот.

„За време на нашето 20-годишно партнерство со концернот „Либхер“, во 2020 и 2021 година двете компании бележат највисоко производство. Нашата заедничка дејност има над 10 проценти годишен раст на прометот во последните 3 години“, известуваат од бугарскиот доставувач.

Во тек е една од последните инвестиции која дава можност за метализирање на надворешни пластични делови за повисока класа на производи на фирмата „Либхер“, дополнуваат од “Готмар“.

Во 2020 година, Либхер започна иницијатива со која нивните доставувачи да станат и доставувачи на матрици. Во текот на овие 2 години „Готмар“ ги води проектите уште од создавањето на нацртот на производот и во 2023 година почнува проекти за инструменти кои ќе бидат составни делови за новите генерации фрижидери, објаснуваат од фирмата.

Квалификација на кадар

Германскиот концерн „Либхер“ помага и за квалификација на кадарот. Од почетокот на соработката во 2002 година тим од „Готмар“ се обучува во фабриката на германската групација во Оксенхаузен, Германија. За да може да одговори на потребите на „Либхер“, „Готмар“ назначува 15 оператори во 2002 година и четири години подоцна, овој тим веќе има 70 луѓе. Денес, во периоди на зголемена побарувачка од страна на „Либхер“, доставувачот ангажира до сто и педесет оператори.