Бугарски прес-центар „Бг Фокус“ ќе биде отворен во Болградската гимназија

Бугарски прес-центар „Бг Фокус“ ќе биде отворен на 14 април во Болградска гимназија „Г. С. Раковски“, соопшти генералниот конзул на Бугарија во Одеса Светослав Иванов, пренесува БТА.

Датумот е избран по повод 205 години од раѓањето на Георги Раковски, патрон на училиштето.

Проектот е одобрен од Министерство за надворешни работи на Бугарија и предвидува создавање прес-центар кој ќе ги поврзува бесарабските Бугари со бугарскиот дигитален простор. „Проектот предвидува поврзување на бесарабските Бугари кон бугарскиот дигитален свет, организирање прес-конференции и ширење актуелни информации за бугарскиот јазик и култура“, изјави Иванов.

Иницијативата е дел од програма за поддршка на бугарските заедници во повеќе земји, а ќе вклучува ученици и наставници од Украина, Молдавија и Бугарија.

Болградската гимназија е основана во 1858 година, обновена е во 1993 година и денес претставува значаен образовен центар за бугарската заедница во регионот. Нов протокол потпишан на 30 март 2026 година овозможува продолжување на наставата во повисоките одделенија со засилено изучување на бугарски јазик.