Ученик од Бугарија победи на европскиот натпревар Young Car Mechanic

Бугарскиот ученик Петар Недев од Професионалната техничка гимназија „Иван Рајнов“ во Јамбол освои прво место на меѓународниот натпревар Young Car Mechanic, што се одржа во Рига, Латвија.

Во финалето учествуваа најдобрите млади автомеханичари од 15 европски држави, кои претходно победиле на националните натпревари во своите земји.

Натпреварувачите имаа 15 задачи подготвени од светски производители на автомобилски делови и потрошни материјали. Бугарскиот претставник освои вкупно 715 поени и убедливо го зазеде првото место. Негов ментор е инж. Георги Пенков, наставник во Професионалната техничка гимназија „Иван Рајнов“.

Недев правото да ја претставува Бугарија го стекна откако во април победи на националниот натпревар „Најдобар млад автомеханичар и возач на моторно возило“ во Софија, организиран од Министерството за образование и наука и Интер Карс Бугарија.