Бугарскиот парламент ja изгласа новата бугарска влада, премиер ќе биде академик Николај Денков

Со 132 гласа, пратениците во бугарскиот парламент го избраа за нов бугарски премиер академик Николај Денков од Продолжуваме промената-Демократска Бугарија. Гласаа 201 пратеник. Имаше 69 против, немаше воздржани.

За изборот на Денков гласаа пратениците од ГЕРБ-СДС и ПП-ДП, како и двајца народни претставници од ДПС. Еден пратеник од ГЕРБ гласаше против. Против кабинетот гласаа и 37 пратеници од „Вазраждане“, како и 19 од БСП и 11 од ИТН, како и независниот Радостин Василев.

Со исто толку гласови „за“ народните избраници го изгласаа преименување на Министерството за земјоделство во Министерство за земјоделство и храна.

Составот на владата беше усвоен со 131 глас.

Составот на владата „Денков-Габриел“:

Премиер – Николај Денков Денков

Вицепремиер и министер за надворешни работи – Марија Иванова Габриел;

Министер за финансии – Асен Васков Василев;

Министер за внатрешни работи – Калин Георгиев Стојанов;

Министер за регионален развој и јавни работи – Андреј Иванов Цеков;

Министерка за труд и социјална политика – Иванка Николова Шалапатова;

Министер за одбрана – Тодор Димитров Тагарев;

Министер за правда – Атанас Владиславов Славов;

Министер за образование и наука – Галин Борисов Цоков;

Министер за здравство – Христо Русков Хинков;

Министер за култура – Крстју Цончев Крстев;

Министер за животна средина и води и претседател на Советодавниот совет за европскиот зелен договор – Јулијан Георгиев Попов;

Министер за земјоделство и храна – Кирил Маринов В’тев;

Министер за транспорт и врски – Георги Јорданов Гвоздеjков;

Министер за економија и индустрија – Богдан Валериев Богданов;

Министер за иновации и раст – Милена Иванова Стојчева;

Министер за енергетика – Румен С’бев Радев;

Министер за е-влада – Александар Илиев Јоловски;

Министерка за туризам – Зарица Георгиева Динкова;

Министер за млади и спорт – Димитар Владимиров Илиев.

По објавувањето на резултатите, членовите на новиот Бугарин дадоа заклетва. Се свиреа химните на Бугарија и ЕУ.

Претседателот Радев ја напушти салата пред полагањето заклетва на владата.