Бугарскиот писател Петар Денчев го претстави својот роман „Малиот Бог на земјотресот“ во Скопје

Книгата на писателот и театарски режисер Петар Денчев „Малиот Бог на земјотресот“, објавена во Република Северна Македонија од издавачката куќа „Антолог“, кофинансирана од програмата Креативна Европа на Европската Унија, во рамките на на проектот „Произведено во Европа: моќта на различноста“ беше претставенa во книжарницата „Антолог“ во Скопје, со поддршка на Бугарскиот културно-информативен центар во Република Северна Македонија, јавува БТА.

„Книгата започнува како и многу други, со раскинување. Една жена го напушта сопругот без посебна причина. Тоа го прави на старомоден начин, со рачно напишана белешка. Тој не изгледа изненаден, дури и на почетокот воздивнува од олеснување што ништо лошо не и се случило. Така влегуваме во светот на еден нереализиран филозоф, сопственик на цвеќарница. Во обид да ја открие мистеријата околу исчезнувањето на неговата сопруга, тој тргнува на трауматично патување во минатото – во својата гардероба, меѓу урнатините на куќата на неговиот татко, по улиците на Софија, на брегот на Дунав, во центарот на скопската чаршија“, ја претставува на својата страница издавачката куќа „Малиот Бог на земјотресот“.

„Романот не е автофикција, сите ликови во него имаат свои прототипови. Понекогаш алтернативниот живот, како во овој роман, не е среќен. Има многу историја во него, и тоа не е интимен роман, тој гради постојана флуидност помеѓу јавното и приватното. Главните прототипи се во постојана потрага по идентитетот, а фундаментално е прашањето за автохтониот идентитет, како се гради и дали може да постои“, истакна за време на презентацијата авторот Петар Денчев.

Романот е поврзан со главниот град на Република Северна Македонија, Денчев почнува да го пишува токму во Скопје.

Претставување на „Малиот Бог на земјотресот“ доаѓа и во рамките на Меѓународниот фестивал на прозата 2024, кој се отвора утре во Куманово.

За публиката од РС Македонија да го прочита делото се погрижи писателот и преведувач Душко Крстевски, а модератор на настанот беше Пепи Стамков.