Бугарскиот пливач Петар Мицин и официјално беше објавен за светски рекордер
Бугарската федерација „Пливачки спортови“ доби официјален сертификат од Меѓународната федерација за водени спортови (World Aquatics) за светски рекорд на 400 метри слободно за јуниори, поставен од Бугаринот Петар Мицин, јавува Радио Бугарија.
Неговото врвно достигнување од 3:44,31 минути беше постигнато на 9 јули годинава во Белград (Србија) на Европското првенство за јуниори и девојки. Во август, младото момче исто така освои злато на Европското првенство во пливање до 23 години за мажи и жени во Даблин (Република Ирска) во истата дисциплина.
На 1 септември, Мицин заминува на Светското првенство за јуниори и девојки во Израел, каде што ќе се натпреварува на 200 метри, 400 метри и 800 метри слободен стил, како и на 200 метри пеперутка.
