Бугарскиот претседател Радев ќе учествува во одбележувањето на годишнината од Илинденско-Преображенското востание на Петрова нива
На 16 август, во историската местност Петрова нива, под покровителство на претседателот на Бугарија Румен Радев, ќе се одржи централната церемонија по повод 122-годишнината од Илинденско-Преображенското востание, јавува БГНЕС.
Настанот ќе започне во 20:00 часот со заупокојна молитва во храм-костницата „Света Петка“ во чест на хероите преображенци. Половина час подоцна, пред меморијалот во Петрова нива, ќе се одржи свечена комеморативна церемонија.
Претседателот и врховен командант на вооружените сили, Румен Радев, ќе го прими стројот на Националната гарда, ќе се обрати со пригоден говор и ќе оддаде почит на загинатите борци во Илинденско-Преображенското востание.
