Бугарските аниматори Весела Данчева и Иван Богданов дел од жирито на шестото издание на „Флипбук филм фестивал“ во Скопје
Во Кинотека на Македонија во Скопје, од 7 до 10 август, ќе се одржи шестото издание на „Флипбук филм фестивал“, на кое ќе бидат прикажани 110 анимирани филмови во различни категории: студентска селекција, анимиран документарец, анимирани музички видеа и европска панорама.
Реномираните бугарски аниматори Весела Данчева и Иван Богданов, основачи на познатиот „Компот колектив“, ќе бидат дел од фестивалското жири заедно со директорите на реномираниот фестивал „Анимест“ од Букурешт, Лиџа Соаре и Михаи Митрица, како и српските автори на анимиран филм Никола Мајдак и Ана Недељковиќ.
Фестивалот ќе биде отворен со домашната премиера на филмот „Неми филмови“ на Крсте Господиновски, кој веќе има освоено награди по премиерата во Анеси.
Европската панорама ќе вклучи 31 филм, од кои пет се македонски: „Бла-бла“ на Кристина Даниловска, „Последната светулка“ на Димитар Аризанов, „Желба“ на Ирена Поповска, „Дневникот на заведениот“ на Сашко Илов и Цеци Темкова, и „Рега га е“ на Ивица Сирановиќ, како и „17 часот“ на Фјака Коколи.
Во рамки на фестивалот ќе се одржат и работилници за анимиран филм и флип-бук, изложби и промоции на книги, меѓу кои и „Калиграфи на филмското писмо“ на Влатко Галевски и „Штрих и стих“, издание на „Компот колектив“.
