ГДУ: ПОЛИТИЧАРИТЕ ДА ГИ ТРГНАТ РАЦЕТЕ ОД СУДСТВОТО И МЕДИУМИТЕ!

Вести Истакнато Македонија

Борбата против широко распространетата корупција останува да биде само декларативна заложба на власта. Годишниот извештај за човекови права во Северна Македонија објавен од страна на американскиот Стејт департмент е потврда дека нема резултати во борбата против корупцијата. 

Кога се работи за овој сериозен проблем, очигледно дека политичарите се силни само на зборови.

Притоа Стејт департменот укажува и на ограничената независност на судската власт, но и на поделеноста на медиумити и на заплашување на новинари, политизација на јавната администрација.

Овие наводи се навистина загрижувачки. Притоа треба да биде јасно дека врз основа на овие работи ќе се носи и одлука во ЕУ дали ќе се започнат преговори. Имаме уште неколку месеци.

ГДУ како партија постојано алармира дека мора да се засукаат ракавите и не само со зборови, туку и со дела да се покаже дека постои желба да одиме напред. Мора да се почитуваат правото и правдата, политичарите да ги тргнат рацете од судството и медиумите, во администрацијата да се вработуваат кадри врз основа на образование, квалификации и знаење, а не пресудна да биде партиската книшка.

Предупредуваме дека корупцијата бара радикална борба, а не парцијално дејствување и затоа ја охрабруваме Антикорупциска комисија да не подлегнува на никакви притисоци, се вели во соопштението на политичката партија Граѓанско Демократска Унија- ГДУ.