Бугарското Генерално конзулство во Ниш го одбележа 6 септември- Денот на Соединението на Кнежевство Бугарија и Источна Румелија

Генералното конзулство на Република Бугарија во Ниш и Културно-информативниот центар „Ниш“ со свечен настан го одбележаа 6 Септември – Денот на Соединението на Кнежевство Бугарија и Источна Румелија, јавува БТА.

Генералниот конзул на Бугарија во Ниш, Димитар Иванов, го претстави историскиот контекст на Соединението и потсети на клучните настани што довеле до неговото остварување. Тој го истакна значењето на 6 Септември како симбол на националната волја, општествената солидарност и стремежот кон политичко и духовно единство.

На свеченоста беше нагласена и важноста на историската меморија за зачувување на бугарскиот идентитет, јазик, култура и традиции, вклучително и меѓу бугарските заедници надвор од Бугарија.

Присутните претставници на бугарската заедница им оддадоа почит на личностите кои придонеле за остварувањето на националниот идеал за обединување.