ЧЕТИРИЕСЕТ И ЧЕТВРТО ИЗДАНИЕ НА МЛАД ОТВОРЕН ТЕАТАР 2019
Петнаесет врвни театарски продукции, перформанси, концерти, работилници, предавања и дискусии ќе го исполнат репертоарот на овогодинешното четириесет и четврто издание на Млад Отворен Театар 2019 – МОТ.
Во текот на девет вечери, од 13 до 21 септември, на шест сцени во Скопје и Велес публиката ќе може да ужива во уметноста на светски и домашни артисти од областа на театарот.
Цената на билетот за сите претстави до 12 септември ќе чини 200 денари, а од 13 таа ќе биде 300 денари. За претставата во театарот во Велес, организаторот најави дека ќе има организиран превоз од Скопје.
