Дел од Сирија е „зона на катастрофа“ по земјотресот, стотици загинати и повредени

Најмалку 237 лица загинаа, а 639 се повредени во Сирија по силниот земјотрес што рано утринава ја погоди јужна Турција, јави сириската државна новинска агенција „САНА“, цитирајќи официјален претставник на Министерството за здравство.

Официјалниот број на загинати низ Турција и Сирија сега изнесува повеќе од 300, со речиси 2.000 повредени, јавува Си-Ен-Ен.

A reported 4.7 magnitude earthquake hit Lebanon and the Levant region moments agao. The the last most destructive earthquake to hit the country was in 1956 and was 5.6 degrees on the Richter scale. pic.twitter.com/0QaLEIRQF0

— Mohamad El Chamaa (@MohamdEch) February 6, 2023

Сириското Министерство за одбрана објави дека ги мобилизира сите свои единици во сите провинции за да им пружи итна помош на жителите погодени од земјотресот, да бараат луѓе затрупани под урнатините и да ги лекуваат повредените.

Белите шлемови, познати и како сириска цивилна одбрана, го прогласија северозападниот дел на Сирија за „област на катастрофа“.

Тие додаваат дека под урнатините има стотици повредени и затрупани луѓе.