Димитриевски и независниот Стојковски во втор круг за градоначалник во Куманово

Максим Димитриевски, кандидатот за градоначалник од движењето ЗНАМ, освои 37,89% или 16.183 гласа и влегува во втор круг од локалните избори во Куманово. Неговиот противкандидат ќе биде независниот Горан Стојковски – Диро, кој доби 13,92% или 5.946 гласа.

Според податоците на ДИК, излезноста во Куманово изнесувала 45,72%, од вкупно 94.041 избирач гласале 42.712 граѓани.

Кај советничките листи, најмногу гласови освои „ЗНАМ – За Наша Македонија“ со 8.324 гласа и седум советнички места. Потоа следи ВМРО-ДПМНЕ со 7.477 гласа и шест советници, ДУИ со 5.780 гласа и пет советници, СДСМ со 4.629 гласа и четири советници, а ДПСМ и ВЛЕН ќе имаат по тројца советници. „Ред за Куманово“ доби двајца советници, а Левица ќе има еден советник.

Во првиот круг за 31 советничко место се натпреваруваа вкупно 14 листи.