Документи за Бугаринот Гоце Делчев за прв пат се откриени и објавени во Скопје

Споровите за самоопределувањето на Гоце Делчев се бесмислени со еден допир на документите што ги објави проф. Драги Ѓорѓиев, копретседателот од македонска страна на Мешовитата бугарско-македонска комисија за историски прашања, пишува бугарската информативна агенција БГНЕС.

Пред неколку години, самиот Драги Ѓорѓиев за прв пат покажа турски документи откриени од него во отоманската архива во Истанбул. Се работи за списоци на борбите на турската војска со четите во Македонија. На страница 28 од неговото дело има документ за убиството на Гоце Делчев. Го вели следново: име на градот каде се водела битката – Серес; место на битката – село Баница; тип на четата- бугарски. Подолу е напишано името на водачот на четата- Делчев.

Гоце Делчев во текот на животот велел за себе дека е Бугарин. Не го ни користел зборот Македонец. Македонија се користи само кога е во прашање името на организацијата. Делчев е воспитаник на Бугарското воено училиште во Софија. Тој е и бугарски егзархиски учител во Банско, Штип, Кочани.

Гоце Делчев, заедно со Ѓорче Петров, е автор на првиот статут и правилник на Бугарските македонско-одрински револуционерни комитети. Интересен е фактот што овој статут и правилник за прв пат е објавен… во Скопје од локалниот научник проф. Иван Катарџиев. И ова се случува многу години пред да се најде примерок во Бугарија.

Српските документи од периодот меѓу двете светски војни (1919-1939) го определуваат населението на тогашната Вардарска Бановина како бугарско. Ова го пишува и во извештаите на српската полиција. Оригиналите на овие документи се во Белград, а копиите се во архивата во Скопје.

Денес, кога ја славиме 151-годишнината од раѓањето на бугарскиот револуционер Гоце Делчев, спорот за неговата етничка припадност е дел од 150-годишниот насилен обид за прикривање на минатото, преку криминално фалсификување документи во служба на поробувачите на Македонија, пишува БГНЕС.