Еурека! Успешни Бугари: Димитар Фердинандов

Димитар Фердинандов од Пловдив е млад аерокосмички инженер кој своето образование го започнал во Англиската јазична гимназија, а продолжил на Универзитетот во Бирмингем, каде што минатата година дипломирал, јавува БНР. Љубовта кон космосот ја носи од детството, освојувајќи бројни натпревари во областа на аерокосмичката наука, меѓу кои и Националниот конкурс „Космосот – сегашност и иднина на човештвото“ и полуфиналето на европското натпреварување „Odysseus II“.

Инспириран од зборовите на Стивен Хокинг, Фердинандов уште како ученик активно се вклучил и во младинското самоуправување. Тој беше претседател на Ученичкиот парламент на своето училиште и иницијатор за создавање на Националниот ученички парламент во 2017 година.

Денес, Фердинандов е коосновач на сопствена компанија со колеги од цела Европа. Тој смета дека науката и инженерството не можат да се одвојат од политиката. „Политиката е клучна за науката. Дури и трката за Месечината во минатиот век била политичка одлука“, вели младиот инженер.

Со својата работа и визија, Димитар Фердинандов најавува дека ќе продолжи да создава подобри услови за развој на науката, инженерството и младите во Бугарија.