Еврика! Успешни Бугари: Ивајло К’ртев

Тој е лауреат на Националниот натпревар „Млади таленти“. Минатата 2024 година му донесе уште признанија – бронзен медал и почесна грамота на Меѓународната Менделеева олимпијада по хемија во Кина, јавува БНР.

Ивајло К’ртев беше меѓу бугарските претставници на ЕКСПО на науката под покровителство на МИЛСЕТ во Сараево. Оваа година тој ја заврши Пловдивската математичка гимназија „Акад. Кирил Попов“ –со насока системско програмирање.

Покрај неговите многустрани интереси и знаења, особено е впечатлив и неговиот алтруизам – подготвеноста безрезервно да им помага на другите, како што и нему му помагале, да се поврзува со луѓето и да бидат едно. Со благодарност зборува за својата наставничка по хемија, Ана Сапунџиева.

Таа пак го опишува вака: „Извонреден ученик – од оние кои ја спојуваат интелигенцијата со карактерот. Целосно посветен и истраен е; секогаш бил насочен и кон другите, се радувал на нивните успеси.“

Пред некое време Ивајло освојувал награди и на натпревари по филозофија, но денес неговиот главен интерес е хемијата.