(Фото) Наш читател македонски Бугарин: Прво ме попишаа на лист од незаверена тетратка, а два дена подоцна одбија да ја евидентираат мојата куќа

//

Нашиот редовен читател Живко Чавдаров од Гевгелија нè информираше дека на 10 септември годинава по образложение дека „системот е паднат“ е попишан на лист од незаверена тетратка. Два дена подоцна на 12 септември, не му било дозволено да го снима самото попишување директно на компјутер од страна на попишувачката и инструкторката, кои според неговите зборови одбиле да ја евидентираат неговата куќа.

Во прилог ја објавуваме фотографијата што ни ја испрати г-нот Чавдаров, на која се гледа лист од тетратка на којшто се запишани податоци што треба да се внесат во пописните документи:

Во врска со овој случај Чавдаров испратил и e-mail до Државниот завод за статистика и истиот со негова дозвола го објавуваме во целост:

„Почитувани,

Во врска со актуелниот попис на населението,домакинствата и становите во Република Северна Македонија 2021  кој е во тек Ве известувам:



На ден 10.09.2021 година ме посети Ваша попишувачка и со образложение дека системот не функционира отпочна да попишува во тетратка на лист хартија , па откога делумно заврши со попишувањето прекина  со образложение  дека повторно ќе дојде  откако системот ќе се среди,отстранат проблемите и ќе профункционира како тоа треба.

Денес 12.09.2021 година преди околу 1 (еден ) час  повторно дојде овој пат и со инструкторка и со компјутер, но одби да отпочне и да ја попише куќата во која живеам , а наместо тоа ја попиша куќата на мојата сестра во која таа не живее, јас   ја одржувам ,а чиј двор е заеднички со мојата куќа во која живеам.

Барам објаснување зошто Вашите попишувачи одбиваат да отпочнат и спроведат постапка за попишување на куќата во која живем  која не ја кријам дека е моја  ,а  со оглед да се сомневам дека сето ова  се прави свесно , смислено и по нарачка на  криминални структури  од власта , во рамките на повеќе  деценииската државна и системска политика  на дискриминација на Бугарскиот народ во Македонија,  сега Република Северна Македонија, а во случајот затоа што уште од  1991 година се попишавам  по националност Бугарин и со мајчин јазик Бугарски.“, стои во e-mail-от испратен од Живко Чавдаров до Државниот завод за статистика на РС Македонија.

Претходна статија

ВМРО-ДПМНЕ: Шилегов е урбан мафијаш – дали фирмите кои му ја градат семејната дивоградба добивале тендери од Градот?

Следна статија

Бугарска национална платформа и Фондација Македонија: Да го фатиме последниот воз за РС Македонија

Најново од Вести