(Галерија)Во Софија беше претставена книгата на доц. д-р Спас Ташев „Борбата на македонските Бугари за права и независност – 68 случаи од периодот 1944 – 1994 година“

Доц. д-р Спас Ташев од Бугарската академија на науките синоќа во Националната библиотека на Бугарија „Св. св. Кирил и Методиј“ ја претстави својата најнова книга „Борбата на македонските Бугари за права и независност – 68 случаи од периодот 1944 – 1994 година“, јавува Novini.bg.

„Книгата опфаќа серија статии кои ги прикажуваат борбите на Бугарите во Македонија во периодот 1944-1994 година“, рече авторот при промоцијата во Националната библиотека.

„Во времето на социјализмот темата за Македонија беше табу. По 1944 година истражувањата престанаа и ние Бугарите не знаевме што се случува со нашите сонародници во Македонија. Оттогаш ја знам антибугарската реторика. Нема разлика од она што се зборува денес во Република Северна Македонија и од она што се прокламираше пред 30 години“, изјави доц. д-р Ташев.

На настанот присуствуваа претседателот Румен Радев, претставници на Министерството за надворешни работи, македонски Бугари, јавни личности посветени на каузата за правата на Бугарите во РСМ и зачувување на нашето културно и историско наследство таму.

Водител на настанот беше познатата бугарска новинарка Милена Милотинова.

Фото: Радина Лазарова и Кирил Атанасов