Генерал Келог пред Телеграф: Трамп му е лут на Путин, чувствува дека е изманипулиран

Специјалниот пратеник за Украина, генерал Кит Келог, во интервју за британскиот весник The Telegraph изјави дека американскиот претседател Доналд Трамп е силно разочаран од односите со рускиот лидер Владимир Путин, јавува БГНЕС.

„Тој (Трамп) е раздразнет. Мислеше дека неговиот личен однос со Путин ќе донесе резултат. Наместо тоа, Путин го мами. Претседателот Трамп е многу по-лут зад затворени врати, отколку на јавна сцена,“ откри Келог.

Генералот нагласи дека не се согласува со Трамп околу пристапот за прекин на војната во Украина. Додека Трамп преферира прво да се започнат мировни преговори, Келог смета дека најпрво мора да се воспостави прекин на огнот.
„Проблемот е што Путин мисли дека победува, па затоа сè уште не се согласува на мир. Јас преферирам прво прекин на огнот, затоа што откако ќе исчезне, тешко е повторно да се воспостави,“ објасни Келог.

Коментирајќи ја ситуацијата на фронтот, Келог изјави дека е шокиран од начинот на кој Русија реагира на огромните човечки жртви.
„Поразително е. Русија е рамнодушна кон човечкиот живот. И јавноста исто така. Тоа е ужасно. Ова е нација која изгубила 68.000 војници во Сталинград во 1942-1943 година и дури не трепна,“ истакна тој.