Германски експерти ќе се вклучат во истрагата за пожарот во модуларната болница

/

Четворица германски експерти ќе бидат вклучени во истрагата за пожарот во тетовската модуларна болница,соопшти портпаролот на Владата Душко Арсовски.

Тој образложи дека германскиот тим од Федералната криминалистичка служба, кој треба да пристигне по завршената претходница деновиве е составен од двајца крим техничари и форензичари за истражување пожари, како и двајца крим техничари и форензичари за ласерско мерење на простории и за фотографирање.

Арсовски рече дека МВР веќе подготвува соодветна поддршка во форма на алат, нацрти, планови и други релевантни информации кои можат да помогнат во заедничкото утврдување на фактите.



Германските експерти ќе работат заедно со крим техничарите на МВР како поддршка на ОЈО при истрагата за утврдување на причините за пожарот во модуларната болница во Тетово.

Претходна статија

Бугарска национална платформа и Фондација Македонија: Да го фатиме последниот воз за РС Македонија

Следна статија

Првпат во Македонија на Клиниката за ортопедија е извршена операција на 17 годишно момче со тумор на десната подлактица

Најново од Вести