Хрватските граѓани од денеска во САД можат да патуваат без визи

/

Од денеска на хрватските граѓани им е овозможено да патуваат во САД без виза, објави американската амбасада во Загреб.

Таа одлука на Електронскиот систем за овластување за патување (ЕСТА) се однесува на хрватските граѓани кои заминуваат во САД во туристички или деловен аранжман, не подолго од 90 дена, објави „Јутарњи лист“, пренесува Бриф.

Членството на Хрватска во таканаречената програма за ослободување од визите (VWP) е важен чекор во натамошното зајакнување на економската и безбедносната соработка меѓу двете земји, соопшти Амбасадата.



За да може една земја да влезе во програмата за укинување на визите, таа мора да ги исполни критериумите во областа на борбата против тероризмот, спроведувањето на законот, имиграцијата, безбедноста на документите и управувањето со границите, се вели во соопштението.

Претходна статија

Стоилковски: Универзална сала на Шилегов не работи, а изнајмува опрема за над 100.000 евра!?

Следна статија

Генералниот секретар на Пендаровски положи цвеќе пред споменикот на Гоце Делчев по повод 23 октомври

Најново од Вести