Изложбата „Гутенберг и словенскиот свет“ под покровителството на бугарската амбасада во Словачка ќе биде отворена во Братислава

Патувачката изложба „Гутенберг и словенскиот свет“, посветена на Гутенберговата Библија и почетоците на кирилското печатарство на Балканот, денеска, 7 јуни, ќе биде отворена во црквата „Св. Крст“ во населбата Девин во Братислава, јавува БТА.

Настанот се одржува под покровителство на бугарската амбасадорка во Словачка, Снежана Јовева-Димитрова, и е дел од традиционалните чествувања посветени на светите браќа Кирил и Методиј во Братислава.

Изложбата одбележува две значајни годишнини – 560 години од појавата на Гутенберговата Библија и 520 години од издавањето на првата кирилска печатена книга на Балканот. Специјален гостин и куратор е проф. д-р Васја Велинова од Софискиот универзитет „Св. Климент Охридски“.

Програмата вклучува свечено отворање, света литургија, детска работилница „Кирил и Методиј во Велика Моравија“, концерт на The International Gospel Society with Big John Whitfield и разгледување на замокот Девин со стручно водство.