Јапонија нуди експертиза за изградбата на мостови и патишта во Бугарија
Јапонија е подготвена да учествува во изградбата на мостови и обновувањето на патиштата во Бугарија со своја технологија и знаење, изјави јапонскиот амбасадор во Бугарија Чикахиса Суми на средба со вицепремиерот и министер за финансии на Бугарија Гулаб Донев, јавува 24 часа.
„Бугарија е врата кон Европа, а Јапонија може да помогне во зајакнувањето на нејзината поврзаност со континентот“, рече Суми.
Донев нагласи дека Јапонија е стратешки партнер на Бугарија и дека Софија сака повеќе јапонски инвестиции во електрониката, вештачката интелигенција, високите технологии и инфраструктурата. Според него, јавно-приватните партнерства може да придонесат и за намалување на државниот дефицит.
Двете страни најавија продолжување на обврските од декларацијата за стратешко партнерство, потпишана при посетата на тогашниот бугарски претседател Румен Радев на Јапонија во 2025 година.
