Керемедчиев: Нема притисок од Бугарија врз РСМ, отсега нивните разговори се со ЕК
Сега нема да дојде на гласање за уставните измени во РСМ, изјави за БНР Милен Керемедчиев – поранешен заменик министер за надворешни работи на Бугарија.
„ВМРО-ДПМНЕ сака прво да помине на избори и новиот парламент во Северна Македонија да донесе или да не донесе таква одлука“, објасни тој. Според него, РСМ е во ќорсокак:
„Решение не може да има, бидејќи ВМРО-ДПМНЕ не може да добие 2/3 мнозинство на следните парламентарни избори, и затоа може целосно да ја промени надворешната политика на државата. Во моментов се е во рацете на нашите западни соседи. Отсега па натаму , мора да донесат одлука. Бугарија мора многу мирно да ја следи ситуацијата во Северна Македонија. Сите акти на насилство, агресија, говор на омраза мора веднаш да се пријават во ЕК. Мора да бидеме смирени и да се воздржиме од провокации, од друга страна – мора веднаш да се пријават во ЕК, бидејќи отсега притисокот мора да продолжи да биде врз Северна Македонија и да остане таму“.
Според него, во моментов нема притисок од Бугарија кон Северна Македонија. Отсега нивните разговори се со ЕК, нагласи тој и објасни:
„На Бугарија повеќе не се гледа како на земја која ја спречува Северна Македонија да ги започне преговорите за членство, туку самата си „пука во нога“. Бугарија не е негативниот лик во оваа балканска драма. Покажавме дека сме подготвени и отстапки, од друга страна има црвени линии кои нема да ги поминеме.Но се покажа дека овие црвени линии се всушност прилично европски принципи и РСМ мора да одговори на нив, а не на некои балкански хирови“.
Според него, во исто време Албанија тивко и самоуверено се движи кон членство во ЕУ. Според Керемедчиев, ова е уште еден обид за притисок врз владата на РСМ. Тој смета дека е реално Албанија да се одвои од РСМ во овој процес.
„Состанокот за Западен Балкан е исклучително важен бидејќи секоја од овие земји е исклучително ранлива на руските хибридни напади и присуството на руски служби во нив. Состанокот беше важен не само за да се изрази поддршката за Украина, туку преку поддршката за Украина да добие излезе со декларација дека Русија не треба да се меша во внатрешните работи не само на Украина и Молдавија, туку и на секоја земја што присуствуваше на состанокот. Сигналот беше силен и обединет, што е ретко кога има состанок на 10 лидери на држави од Балканот“, коментира Милен Керемедчиев во интервју за емисијата „Пред сите“.
