КОНЦЕРТ НА „ОХРИДСКО ЛЕТО“ ПО ПОВОД 85 ГОДИНИ ОД РАЃАЊЕТО НА КОМПОЗИТОРОТ ЗОГРАФСКИ

/

Со концерт посветен на јубилејот – 85 години од раѓањето на композиторот Томислав Зографски, фестивалот „Охридско лето“ вечер ќе го заокружи музичкиот дел од годинашната Програма.

На авторската вечер во црквата „Св. Софија“ со почеток во 21:00 часот посветена на творештвото на Томислав Зогравфски, ќе настапат реномираните македонски уметници: пијанистите Марија Ѓошевска, Елена Атанасовска-Илиевска, Марија Вршкова и Даница Стојанова, Марјан Милошевски на фагот, Ристо Ѓоревски на кларинет, флејтистката Билјана Камчева и Гудачкиот квартет „Зографски“.

Оваа 2019 г. се навршуваат 85 години од раѓањето на композиторот Томислав Зографски (1932-2000).

Тој е еден од основоположниците на македонската композиторска школа и автор на повеќе од 150 дела. Томислав Зографски претставува значајна алка во создавањето на современиот македонски композиторски израз, не само поради неговиот личен опус, туку и поради влијанието кое го имал во создавањето на нови млади композитори преку неговата педагошка дејност на Факултетот за музичка уметност чиј декан и продекан бил.



Делата на Зографски се изведувани во САД, Русија, Јужна Америка, Мексико, Австралија,Нов Зеланд, Шведска, Грција, Шпанија, Франција, Литванија, Грузија,Украина, Велика Британија, Италија и во сите центри на поранешна Југославија. Добитник е на две награди за животно дело, како и на голем број значајни награди за композиции и за филмска музика. Неговите дела се издадени на носачи на звук, а музикологот Марко Коловски е автор на монографија посветена на ликот и делото на Томислав Зографски. Дел од неговото творештво се наоѓа во библиотеките на престижни музички образовни институции во Полска, Германија, Казакстан, Русија, Швајцарија, Србија и Кина.

Претходна статија

НОВИ РОЧИШТА ЗА „ТИТАНИК“ И „ТИТАНИК 3“ НА СЈО

Следна статија

ГРЧКИ МИТРОПОЛИТ ОСУДЕН ЗА ГОВОР НА ОМРАЗА СИ ПОДНЕСЕ ОСТАВКА

Најново од Истакнато

Потрага по идентитетот

Facebook статус на Никица Корубин Три достапни документи: Преговарачката рамка на 25 страници, Заклучоците на Советот