Контраофанзивата е во тек, систематски ги уништуваме руските сили, порача шефот за безбедност на Украина
„Ние дејствуваме смирено, систематски и доследно ги уништуваме руските сили“, изјави шефот на Советот за безбедност и одбрана на Украина, Олексеј Данилов.
„Украинската контраофанзива се одвива секој ден. Не чекаме магични датуми, ние дејствуваме мирно, систематски и доследно ги уништуваме руските напаѓачи“, објави Данилов на Твитер.
Во неделата, Андриј Јусов, портпарол на одбранбената разузнавачка служба на Украина, изјави дека одлуката за контраофанзива на Украина ќе ја донесе военото раководство на земјата и дека кругот на луѓе информирани за овие планови е максимално ограничен.
Министерот за одбрана Алексеј Резников минатата среда за весникот „Гласот на Украина“ изјави дека украинските вооружени сили ќе спроведат контраофанзива, но дека нема точен датум за офанзивата поради фактори како што се временските услови и копнените услови.
„Затоа Генералштабот ќе го избере најдобриот тајминг, како што некогаш се случуваше, на пример, во правец на Харков“, рече Резников.
