Ковачевски за Мерко: Владата не е ниту е обвинител ниту судија, нема да бидам како некои поранешни премиери кои отидоа да живеат по туѓи земји

Запрашан за неговите очекувања откако четири члена комисија од Јавното обвинителство врши надзор врз предметите поврзани со струшкиот градоначалник Рамиз Мерко, премиерот Димитар Ковачевски рече: Гледам дека тој од сабајле има една беседа каде што кажува дека општината е отворена за сите истражни органи кои треба да ги испитаат наводите и основите поради кои тој се најде на црната листа. „Тој што тоа го избеседи сабајле всушност јас го кажав пред некој ден дека општината треба да биде на располагање да бидат направени сите проверки“, истакна Ковачевски.

„Добро е што Јавното обвинителство веќе формирало комисија која што тоа треба да го испита и на таков институционален начин треба да функционира државата. Бидејќи Владата ниту е обвинител ниту е судија и нема да го правам тоа што го правеле некои поранешни премиери, поради што мораа да одат да живеат во други земји, туку секоја институција треба да ја презема својата одговорност и да работи согласно своите надлежности“, потенцира Ковачевски.