Лагард: Со гордост ја пречекуваме Бугарија во семејството на еврото
„Со влегувањето во 2026 година, со гордост ја пречекуваме Бугарија во семејството на еврото“, изјави претседателката на Европската централна банка (ЕЦБ), Кристин Лагард, во пресрет на официјалното воведување на еврото од 1 јануари 2026 година, пренесе репортер на БГНЕС.
Лагард упати специјално видеообраќање до Бугарија, во кое изрази искрена благодарност до Бугарската народна банка за посветената работа и ангажираноста во подготовките за воведување на еврото.
Таа, исто така, упати честитка со желби за среќна и успешна Нова година до сите Бугари.
