ЛЕКАРИ ВО БАНСКО КРИЕЛЕ ДЕКА ИМААТ 50 ПАЦИЕНТИ СО СЛИЧНИ СИМПТОМИ НА КОВИД-19
Лекарите од Банско криеле случаи на 50 лица во одморалиштето, кои имале симптоми на вирусна инфекција за време на карантинот. Ова стана јасно за време на утринскиот брифинг на Националниот оперативен штаб на бугарската влада.
„Локалните лекари негираа дека имаат пациенти со вакви заболувања, но на крајот, откривме дека има 50 луѓе кои покажале симптоми на вирусна болест и остануваат дома “, рече началникот на Оперативниот штаб генерал Венцислав Мутафчиски.
Генералот соопшти дека истите лица се тестирани за Ковид-19 и резултатите од нивните тестови се очекуваат.
