Мајката на Стефан Хрка продолжува со штрајкот со глад: шести ден без храна и со влошено здравје

Дијана Хрка, мајката на Стефан Хрка кој загина во трагедијата во Нови Сад, продолжува да штрајкува со глад веќе шести ден. Таа изјави дека настинала и не се чувствува добро. Ученици од гимназии, студенти и граѓани пристигнуваат за да ѝ пружат помош и поддршка, пренесе телевизијата N1, јавува БГНЕС.

Додека Хрка гладува, од угостителскиот објект „Чациленд“ со денови се пушта гласна музика, очигледно со намера жената да биде испровоцирана.

Ученици од повеќе белградски училишта ги бојкотираат часовите во знак на солидарност. Сојузот на образованието на Србија ги повика сите наставници и професори да се приклучат кон поддршката.

Синоќа беа регистрирани приведувања на студенти, додека полицијата го обезбедуваше кампот пред парламентот, каде што се собираат поддржувачи на владата.

Хрка го започна штрајкот со глад на 2 ноември, по комеморативниот митинг одржан претходниот ден во Нови Сад, по повод годишнината од уривањето на настрешницата на железничката станица, кога загинаа 16 лица.

Мајката на Стефан Хрка бара судско гонење на одговорните за трагедијата, итно ослободување на сите уапсени студенти и распишување предвремени парламентарни избори.