МЕДИЦИНСКАТА ПОМОШ ОД ТУРЦИЈА ПРИСТИГНА ВО ЗЕМЈАВА

/

На Меѓународниот аеродром Скопје пристигна помошта од Турција која се состои од 50.000 заштитни медицински маски, 1.000 заштитни скафандери и 1.000 дијагностички тестови.

Донацијата беше предадена на министерот за надворешни работи Никола Димитров и заменик началникот на Генералштаб, Азим Нуредин, од страна на амбасадорот Хасан Мехмет Секизќок.

„Во овие тешки времиња кога светот е соочен со исклучително тежок предизвик по јавното здравје и справување со последиците од пандемијата на ковид-19, подавањето рака меѓу земјите дава надеж дека заедно побрзо ќе бидат надминати. Високо ја цениме и сме благодарни за несебичната поддршка со медицинска и заштитна опрема што денес ни пристигна од пријателска Турција“, рече Димитров.

Турскиот амбасадор, Хасан Мехмет Секизќок, кажа дека во овие денови лидерството и меѓународната солидарност имаат особена важност.



„Со ваква перцепција на работите, Република Турција испраќа медицински материјал низ земјите во светот со цел справување со епидемијата. Се разбира, нашите народи со векови живееле заедно на Балканот и во Македонија која е во срцето на Балканот, и секојпат го задржала своето место во срцето на Турција и турскиот народ. Ние ги уважуваме поимите братство и пријателство и се што е во тој дух. Медицинската опрема која стигна денес во Скопје заедно со себе носи љубов, пријателство и поздрави од почитуваниот претседател и турскиот народ,и посакувамда допринесе во заздравувањето на раните на македонскиот народ“, рече тој.

Извор: Макфакс

Претходна статија

АМЕРИКАНСКОТО ВОЕНО РАЗУЗНАВАЊЕ ПРЕДУПРЕДИЛО УШТЕ ВО НОЕМВРИ ЗА ПОЈАВАТА НА КОВИД-19

Следна статија

ВЕЧНИОТ ПРЕТСЕДАТЕЛ НА БЕЛОРУСИЈА ЛУКАШЕНКО СО НОВ БИСЕР ЗА КОРОНАВИРУСОТ: ГИ НАПАЃАЛ ТИЕ КОИ ВЧЕРА ПИЕЛЕ А ДЕНЕСКА ПУШАТ

Најново од Вести