МИЛЕ ЈАНАКИЕСКИ ДОБИ УСЛОВНА КАЗНА ЗАТВОР ЗА СЛУЧАЈОТ „НАСИЛСТВО ВО ЦЕНТАР“
Поранешниот министер за транспорт и врски Миле Јанакиески е осуден на условна казна затвор во траење од една година за случајот „Насилство во Центар“, додека поранешниот премиер Никола Груевски е прогласен за виновен во обвинението за случајот и е осуден на затворска казна од една година и шест месеци.
Во Основниот кривичен суд Скопје денеска беше изречена пресудата и за останатите обвинети, кои се товареа за поттикнување насилство за време на протестите пред Општина Центар во јуни 2013 година. И за нив беше доделена условна казна затвор.
Адвокатот на Миле Јанакиески, Еленко Миланов изјави дека по консултација со неговиот клиент ќе се донесе одлука дали ќе следи жалба за донесената пресуда.
