Милков пред колегите во ЕУ: Во РС Македонија има многу антибугарски пројави

Бугарскиот министер Николај Милков ги информирал колегите од земјите членки на ЕУ за влошувањето на состојбата во Република Северна Македонија во однос на граѓаните на земјата со бугарска самосвест, јавува БГНЕС.

Ова се случило за време на првиот состанок на Советот за надворешни работи на ЕУ годинава, што се одржа денеска во Брисел. Милков го потенцира тешкиот инцидент со претепувањето на Христијан Пендиков во Охрид.

Бугарскиот прв дипломат изразил жалење што овој сериозен инцидент е дел од многу слични пројави со антибугарски фокус во последните месеци. Била нагласена потребата Скопје активно и целосно да се заложи за заштита на правата на Бугарите во РС Македонија, како и за исполнување на обврските преземени во рамките на процесот на европска интеграција на земјата.

Пендиков беше претепан на 19-ти вечерта во родниот Охрид. Тој има повеќе повреди. Истиот денеска беше успешно опериран во Военомедицинската академија во Софија. Бугарскиот амбасадор во Скопје Ангел Ангелов е повикан на консултации во Софија, што е јасен дипломатски сигнал дека властите во Бугарија не го прифаќаат тоа што се случува во РСМ.