МИНИСТЕРОТ НУРЕДИНИ ВО САМОИЗОЛАЦИЈА

Министерот за животна средина Насер Нуредини преку својот Фејсбук профил информираше дека поради претпазливост од вчера изутрина се наоѓа во самоизолација.

Тој додава дека бил информиран дека лице со кое имал работна средба во вторникот добило позитивен резултат за коронавирус.

„Би сакал да ве известам дека заради претпазливост од вчера изутрина сум во самоизолација. Бев информиран дека лице со кое имав работна средба во вторникот добило позитивен резултат од тестот за КОВИД19 и иако беа испочитувани протоколите за држење физичка дистанца, бев потенцијално изложен на вирусот. Се тестирав вчера изутрина и со цел да не го ризикувам здравјето и благосостојбата на останатите останав дома оттогаш. Резултатот од тестот е негативен, но во согласност со препораката добиена од епидемиолозите, ќе останам во самоизолација во деновите кои претстојат и ќе работам од дома.Ви посакувам добро здравје на сите и искрено ве замолувам да водите грижа за вас и сите околу вас!“, пишува Нуредини.