СОНК: ДА ИМ СЕ ИСПЛАТАТ ДОПОЛНИТЕЛНИТЕ РАБОТНИ ЧАСОВИ НА НАСТАВНИЦИТЕ

Согласно препораките каде има 20 ученици треба да се поделат во групи. Дополнителната работа директорите да ја регистрираат. Од терен имаме информации каде одредени директори не сакаат да го прават тоа и тврдат дека немало зголемени часови, други викаат дека нема пари, а трети дека ќе дале слободни денови. Ги повикуваме директорите да го почитуваат колективниот договор. Во спротивно наставниците имаат право да ја бојкотираат работата, а директорот кој нема да го направи тоа да добие тужба, вели претседателот на СОНК Јаким Неделков. Бараат и дел од наставниците кои вршат настава со физичко присуство, а се во ризична група, хронично болни и повозрасен кадар да им се овозможи од дома да ја вршат работата затоа што нивното здравје е доведено во опасност особено сега со драстичниот раст на бројките.

Инаку според пресметките на СОНК еден наставник за дополнителните часови треба да добие плус 5000 денари на нето односно до 8000 денари на бруто плата.